शुभ जन्मदिन जेठ २ गते

शुभ जन्मदिन जेठ २ गते आज तपाईको जन्मदिन ॐवाणिका तर्फबाट तपाईलाई जन्मदिनको शुभकामना । यो वर्ष तपाईको व्यक्तित्व प्रभावशाली रहनेछ । तपाईको बोली पनि प्रभावशाली रहला । रिस नियन्त्रण गर्न सक्नु हुने छ ।यो वर्ष आदर सम्मान र प्रेम पाउनु हुने छ । परिश्रमको उचित प्रतिफल प्राप्त हुने वर्ष रहेको छ । यो वर्ष तपाई आवेसमा वा भावनामा बगेर कुनै कार्य गर्नु हुने छैन जसका कारण तपाईले भविष्यमा पछुताउनु परोस । सन्तान र आफन्तबाट लाभ हुने छ । तपाईका प्रत्येक रचनात्मक कुरालाई सबैले स्किार गर्ने छन ।तपाईले प्रेमी पत्नी पति वा तपाईसंग अत्याधिक भरोसा राख्ने मानिसलाई यो बर्ष धेरै सहयोग गर्नु पर्ने छ । तपाईको शिक्षा उत्तम रहने छ । घर बाहिर बसेर काम गर्ने अवसर मिल्ला । विदेशयात्राको प्रयासमा रहनुहुनेहरुका लागि पनि यो वर्ष कार्तिक पछि उत्तम रहेको छ । काममा परिवर्तन गर्न चाहनेहरुका लागि पनि उत्तम समय रहेको छ । तपाई सुरक्षाकर्मी शिक्षक वकिल वा कपडा व्यापारी हुनुहुन्छ भनें यो वर्ष खुव आत्मसन्तुष्टि मिल्ने छ । स्वच्छ र निर्मल मन भएका मानिसहरुले सहयोग सल्लाह दिने छन। आफन्तको उन्नती प्रगति देखेर तपाईको पनि मन खुसी हुने वर्ष रहेको छ । गृहक्लेश समाप्त हुने छ । जीवनसाथीसंग कुनै कुरा नलुकाउनु होस । यो वर्ष तपाईका अन्तरङ्ग सम्बन्ध भएका विपरित लिङ्गीहरुले भनें तपाईप्रति असन्तुष्टि वा आक्रोस व्यक्त गर्ने देखिन्छ । विदेशमा भएका आफन्त र प्रियजनले पनि तपाईलाई केही नैतिक र कठीन विषयमा प्रश्न गर्न सक्नेछन । विवाह गर्ने सोचमा हुनुहुन्छ भनें कार्तिक पछिको समय राम्रो छ । छोटो दूरिको यात्राका पर्याप्त अवसर आउनेछन । राजकर्मचारी हुनुहुन्छ भनें केही सावधानी अपनाउनु होला । परोपकारका कार्यमा पनि लाग्नु पर्ने वर्ष रहेको छ । संचित धनको सदुपयोग हुने छ । सन्तान आफन्त वा आफ्नै लागि भविष्य सुनिश्चित गर्ने कार्यमा पनि लाग्नु हुने देखिन्छ । करियर निर्माणका लागि तपाईलाई यो वर्ष अति उत्तम छ । मनमा सामान्य नकारात्मक भावहरु आउने छन ।इष्टदेव मातापिता र मानयजनको आज्ञा अनुमति लिएर काममा लाग्नुहोला । यो वर्ष स्वास्थ्य सामान्य रहने छ । अधिक थकान , झर्कोफर्को, र यौननिक दुर्वलता बढेको महसुस हुने छ । पेट सम्बन्धी केही अस्वस्थता पनि बढने देखिन्छ । यो वर्ष समग्रमा कामहरु सफल हुनेछन । विवाद समाधान हुने र रचनात्मक कार्यतर्फ लाग्ने भएका कारण तपाईमा पर्याप्त उत्साह बढने छ । धन धर्म र विद्या तीनवटै कुराले तपाईलाई साथ दिनेछन । पुराना मित्रहरुसंग भेटघाट र रमाईलो गर्ने वर्ष परेको छ । तपाईले यो वर्ष उत्साही भएर नै बिताउनु हुने देखिन्छ । दिव्यम् भौमयन्त्र निर्माण गरेर सधै साथमा राख्नुहोस यसले तपाईलाई उर्जा स्वास्थ्य र मनोयोग पूर्वक काम गर्ने क्षमता बढाउने छ ।
तपाई अन्तमा पुनः तपाईलाई जन्मदिनको मंगलमय शुभकामना ।
प्रस्तुति
दिव्यदृष्टि ज्योतिष अनुसन्धान एवं परामर्श केन्द्र दमक

९८१७९७३९८२ ९८१४९९८०७५