ॐवाणी जेष्ठ १५
नेपालमा कोरोना संक्रमणको संख्या एक हजार नाघेको छ । बिहीवार मात्रै १ सय ५६ जनामा कोराना पुष्टि भए सगै संक्रमितको संख्या १ हजार ४२ पुगेको हो । संक्रमितमा ९ सय ४० जना पुरुष रहेका छने भने महिला १ सय २ जना रहेका छन् ।
स्वास्थ्य तथा जनसंख्यामन्त्रालयको अव्डेट अनुसार देशका विभन्नि भागमा गरिएको परिक्षणबाट प्राप्त जानकारी अनुसार संक्रमितको संख्या थपिएको हो ।
हाल सम्म कोरोना ५१ जिल्लामा फैलिएको छ । आज मात्र सोलुखुम्बु र दोलखा जिल्लामा पनि संक्रमित थपिएका छन् ।
अहिले सम्म प्रदेश नं. १ मा १ सय २९ जना संक्रमित रहेका छन् । प्रदेश नं. २ मा ४ सय १५ जना रहेका छन् । वाग्मती प्रदेशमा ४४ जना संक्रमित छन् । गण्डकी प्रदेशमा १७ जना देखिएका छन् । प्रदेश नं. ५मा भने ३ सय ६९ जना संक्रमित पुगेका छन् । कर्णाली प्रदेशमा ४७ जना संक्रमित फेला परेका छन् भने सुदुरपश्चिम प्रदेशमा २१ जना संक्रमित भएको स्वास्थ्य तथा जनसंख्यामन्त्रालयले जनाएको छ ।
कोरोन संक्रमित निधनकाे संख्या ५ पुगेको छ । आजमात्र ३८ जनाले रोगलाई जितेर घर फर्केका छन् अहिले सम्म निको हुनेको संख्या १ सय ८७ पुगेको छ ।
